Plantun de Prouvènço

Pèr coumpara dos planto d'encò nostre

Cardamine heptaphylla & Ranunculus acris

Cardamine heptaphylla

Brassicaceae Cruciferae

Nom en français : Cardamine à sept folioles.

Descripcioun :
Grando cardamino que trachis dins li bos fres coume li faio e li blachiero. Es uno planto sènso péu emé un gros rizoumo (4 à 10 mm de diamètre) qu'a d'escaumo de 1 à 2 mm. Fai uno bello enflourejado de flour blanco o roso. Li boudousco, pulèu longo, fan de 3 à 8 cm. Se recounèis evidentamen à si fuioun groupa pèr sèt (fotò).

Usanço :
Èi pas uno planto di mai goustouso, mai èi manjadisso. Li fueio se fan pulèu couire, an un goust proche dóu caulet e dóu raifort. Li flour soun peréu bono à manja.

Port : Erbo
Taio : 30 à 60 cm
Fueio : coumpausado
Tipe bioulougico : Geoufite
Cicle bioulougico : Planto renadivo

Gènre : Cardamine
Famiho : Brassicaceae
Famiho classico : Cruciferae

Ordre : Brassicales

Coulour de la flour : Blanco
Petalo : 4
Ø (o loungour) flour : 15 à 25 mm
Flourido : Printèms - Estiéu

Sòu : Ca
Autour basso e auto : Pancaro entresigna
Aparado : Noun
Mai à juliet

Liò : Faio - Blachiero - Bos fres
Estànci : Subremediterran à Mountagnard
Couroulougi : Ouroufito-Sud-Éuropo
Ref. sc. : Cardamine heptaphylla (Vill.) O.E.Schulz, 1903

Boutoun-d'or

Ranunculus acris

Ranunculaceae

Àutri noum : Bacineto, Poumpoun-d'or, Loup-pauto, Pato-de-loup, Bacin-d'or.

Noms en français : Renoncule âcre, Bouton-d'or.

Descripcioun :
Lou boutoun-d'or es uno planto couneigudo mai pas toujour bèn destriado de si cousino di flour jauno peréu. Arregarda li sepalo peludo que dèvon èstre pegado contro li petalo e li fueio telado e descoupado (mai pas fin qu'au pecou). Lis akène negre an un bè un pau recourba.

Usanço :
Tóuti li ranouncle caupon de proutouanemounino, empouisounanto. Avèn pas trouba d'usanço particulièro au nostre. D'ùni pople indian d'Americo n'en manjon li fueio après en agué fa bouli mant'un cop li fueio. Aquéli servien peréu pèr sougna li mau de tèsto. Pòu tencha la lano en vióulet emé de bicarbounato de soudo.